كتب ممدوح غنيم لـSuper Kids

المسار البصري اول ثلاث شهور في عمر طفلك بيكون ضعيف جدا ومش بيشوف الالوان لكن يقدر يشوف اللون الابيض والاسود فقط
ويعتمد في الفترة دي على عرض بطاقات لأشكال مختلفة من غير تفاصيل وتكون البطاقات باللون الابيض والاسود في المرحله الاولى ودا بيتم بطريقه من اثنين
الأولى لما يبقي قاد انه يرفع رأسه نخلية ينام على بطنه ويرفع رأسه عشان يشوف البطاقات امامه ويستحسن ان تكوني اما وشه عشان يقدر يشوف ابتسامتك و انفعالاتك أثناء العرض ويفضل تعرضي علية البطاقات بثبات عشان يتمكن من التركيز وهو بيشوفهم.وبتعرضي علية البطاقة في مده من 10 الى 15 ثانيه لانه هيحاول انه يشوفها ودا هيحتاج لوقت وبعد فترة هيقل الوقت بالتدريج لأنه هيتمكن من الرؤية بشكل أفضل من السابق ولابد من ان الاضاءة تكون جيده و موجهه الى البطاقه
في الأول تعرضي البطاقات عشر مرات او أكثر لو في ده في استطاعتك . وبعد كده تختاري مجموعه مختلفه و تعرضيها علية 10 مرات بردو. و تبديلي بين البطاقات و تعرضيها اكبر عدد مرات ممكن في اليوم امام عينه
اما الطريقة الثانية ممكن تلزقي البطاقات على شباك سريره او على حائط قريب يكون في مستوي نظره باستمرار ونحطها بشكل ثابت بحيث يتعرض الطفل لرؤيتها بشكل مستمر ولمدة طويلة بحيث يبصلها بشكل تلقائي اطول فتره ممكنة
نكمل علي هذا التدريب الثلاث اشهر باللون الابيض والاسود فقط وفى الشهر الثالث يمكن أن نضيف لون أحمر بسيط للبطاقة
ويتم عرض تلك البطاقات لحد ما رؤيته تتتحسن وده بعرفة امتي؟ لما يشوفك يضحك من غير مايسمع صوتك او يلمسك ساعتها نعرف أن رؤيتة اتحسنت وبقي قادر يشوف وشك ويكون قادر يمييز التفاصيل وبعد انتهاء الاشهر الثلاثة الاولى بنزود علي البطاقات خط واحد فقط من اللون الاحمر ومش شرط تنفذي الفكره بالورق ممكن كمان تنفذيها بالقماش الابيض والاسود