كتب ممدوح غنيم

طفلك الرضيع أول 3 شهور ممكن ينام من 15-17 ساعة واكثرهم في ساعات الليل

• في شكوي من امهات كتير ان طفلها عمره شهرين بينام كتير؟ ياست الكل ده أمر طبيعي وتقل عدد الساعات دي كل مابيكبر وبنكون متوقعين ان الطفل هيصحي كل 3-4 ساعات عشان الرضاعه
• هل لو الطفل نام فتره اطول من كده ده فيها مشكلة؟ هنقول لا ووارد ينام فترة اطول لانه كل مابيكبر كل ماالمعده بتكبر وبتخليه يرضع اكثر فمن المتوقع بعد الشهر الثاني بأن يواصل النوم من 3-6 ساعات
• وهل النوم المتواصل للرضيع في العمر ده طبيعي وامتى نسيبة ينام من غير من نصحية؟
  هنقول دا ممكن يتم لو توفرت الحاجات دي:
• انه يرضع بشكل طبيعي كل 3-4 ساعات
  *ان الحد الطبيعي لعدد الحفاضات المبلوله خلال اليوم من 8-10حفاضات ودا طبعا في سن 2-3 شهور.
  *ان الطفل بيكون وزنه بيزيد طبعا دا بميزان الدكتور
  *يكون نشاطه الفترة اللي صاحي فيها يكون كويس
  كده طفلك طبيعي ونومه المتواصل في فتره الليل طبيعي لانه شبعان ومش مبلول ولو جاع او اتبل هيصحي فورا
  طبعا الكلام دا مايتوفرش في الاطفال الرضع تحت عمر الشهر لان لازم نصحيهم كل 4 ساعات علي الاقل للرضاعة.
  ودا ميمنعش ان احيانا النوم المتواصل للطفل لأسباب مرضية في دا لو بيعاني من:
  •فقدان للوزن.
  •قلة الحركة والخمول..
  •انعدام الشهية.
  •الجفاف.
  عشان كده لازم تلاحظي طفلك كويس جدا مايكونش في الاعراض اللي فاتت دي لانه لو موجوده لازم مراجعة الدكتور بتاعه فورا

كتب ممدوح غنيم

خلي بالنا ان احيانا يصاب بعض الرضع بأعراض زي
آلام البطن واللي ممكن تكون مصاحبة بالقيء أو الإسهال وكثير بتتشخص على أنها نزلة معوية ولكن الاعراض دي احيانا بتبقي اما اعراض لحساسية الالبان اللي بتنتج عن رد فعل للجهاز المناعي للجسم لأحد البروتينات الموجودة في الحليب او لحساسية اللاكتوز بسبب عنصر سكر اللاكتوز الموجود في الحليب
ما الفرق بين حساسية الألبان وحساسية اللاكتوز ؟
حساسية الالبان ودي بتبدأ بمجرد استعمال الحليب في اكل الطفل سواءً منفرد ، أو كمكون في الاكل . وبتحصل احيانا للرضع اللي يعتمدون على الرضاعة الطبيعية، بسبب تناول الأم للحليب ومشتقاته.
ازاي أعرف أن ابني مصاب بحساسية الالبان؟
الأعراض الاكثر شيوعا تشمل:

1.حساسية الجلد والطفح الجلدي

2.مشكلات في الهضم

3.أعراض تنفسية و انسداد الأنف أو الزكام.

4.إكزيما
والاعراض بتظهر اما مباشره.أو متأخرة بعد ساعات وأحيانًا بعد أيام من تناول الحليب.
وفي بعض الاوقات فقط، بتتطور الأعراض وتكون حادةً وقد تصل لأعراض تشبه الاختناق أو صعوبة التنفس.
ازاي يتم التعامل مع حالات الحساسية؟
الحل الأمثل يكون وقف تناول الحليب ومشتقاته فورا للطفل، واحيانا للام كمان لو الطفل في مرحلة يعتمد فيها كليًّا على الرضاعه
في بعض الحالات هيحتاج الطبيب لتغيير نوعية الحليب الصناعي اللي بيستعمله الطفل، لانواع مخصصة
وبيتم تقييم حالة الطفل كل 6 إلى 12 شهرًا من خلال التحاليل الخاصة لمعرفة قابليته للحليب
وبأذن الله تنتهي المشكله مع اتباع التعليمات مع سن السنه وممكن تستمر لسن الخمس سنين حسب استجابة جسم الطفل
ونقدر نقول ان الفرق بين حساسية الالبان وحساسية اللاكتوز ان حساسية اللاكتوز شدة الاعراض فيها اقل وبتظهر اكتر في الاعراض اللي تخص الهضم والمعده ولا يوجد فيها اعراض تنفسيه